काठमाडौं । संघीय संसदका दुवै सदनबाट आर्थिक वर्ष २०८०/८१ को बजेट पारित भएको छ । गत जेठ १५ गते अर्थमन्त्री प्रकाशशरण महतले विनियोजन गरेको उक्त बजेट राष्ट्रियसभाको आज बसेको बैठकले प्रतिनिधिसभाबाट सन्देशसहित प्राप्त विनियोजन विधेयक, २०८० बहुमतले पारित गरेको हो ।
बैठकमा अर्थमन्त्री डा। प्रकाशशरण महतले प्रतिनिधिसभाबाट सन्देशसहित प्राप्त ‘विनियोजन विधेयक, २०८० लाई पारित गरियोस्’ भन्ने प्रस्ताव प्रस्तुत गरेका थिए । बैठकमा विनियोजन विधेयक, २०८० अन्तर्गत विभिन्न शीर्षकमाथिको छलफलमा उठेका प्रश्नका सम्बन्धित मन्त्रीले जवाफ दिएका थिए ।
