काठमाडौं । प्रधानमन्त्री पुष्पकमल दाहाल प्रचण्ड पत्नी सिता दाहालको मृत्यु भएपछि राजनैतिक दलहरु शोकमा छन् । सिता दाहाललाई अन्तिम श्रद्धाञ्जली दिनका लागि पेरिसडाँडा राखिएको छ ।
सिताको मृत्यु पश्चात आज विहान ११ बजे बोलाइएको राष्ट्रियसभा बैठक विशेष कारण देखाउँदै स्थगित गरिएको छ । उक्त बैठक विहिबार बिहान १० बजेसम्मका लागि स्थगित गरिएको हो ।
यसैगरी आज नेपाली काँग्रेसले केन्द्रिय कार्यसमितिको बैठक स्थगित गरेको छ भने एकिकृत समाजवादी मार्चाले आजको बैठक स्थगित गरेको छ ।
आज संसदका विषयगत समिति अन्तर्गत अर्थ र उद्योग बाणिज्य तथा उपभोगक्ता हित समितिको बैठक पनि स्थगित गरिएको छ ।
अनौपचारिक तथा स्वरोजगार क्षेत्रका श्रमिकलाई समेट्न कार्यक्रमको प्रधानमन्त्री पुष्पकमल दाहाल ‘प्रचण्ड’ ले आज उद्घाटन गर्ने कार्यक्रम थियो । सो कार्यक्रम अर्को मिति नतोकेसम्मका लागि स्थगित गरिएको हो ।
