काठमाडौं । उदीयमान गायक विक्रान्त पोखरेलले नेपाली बजारमा नयाँ गीत सार्वजनिक गरेका छन् । उनले माया नमार गीत सार्वजनिक गरेका हुन् । उनले यसअघि ३ वटा गीत सार्वजनिक गरिसकेका छन् । बनमा टाँकी छ, भीरमा टुनी छ जस्ता गीतले बजारमा चर्चा बटुलिसकेका छन् ।
विक्रान्तलाई लोकप्रिय गीतकार तथा संगीतकार राजकुमार बगरको सहकार्य मिलेको छ । यस तेस्रो गीतमा पनि गीतकार तथा संगीतकारको रुपमा राजकुमार बगर नै रहेका छन् । गीतको संगीत संयोजक भने डोलराज बाह्रघरे रहेका छन् भने त्रिवेणी डिजिटल रेकर्डिङ स्टुडियोमा गीतको रेकर्डिङ तथा मिक्सिङको कार्य भएको हो ।
गीतको म्यूजिक भिडियोमा यशु भट्टराई र मंगल तामाङको अभिनय रहेको छ । भिडियोको निर्देशन भने कुमार केसीले गरेका छन् । भिडियोका छायाँकन मुकेश हुमागाइँको रहेको छ भने सम्पादन अमृत चापागाईंको रहेको छ ।
