काठमाडौं । गायक तथा अभिनेता रबिन तामाङ मृत अवस्थामा फेला परेका छन् । उनलाई बुढानिलकण्ठ ५ चिसेनिस्थित आफ्नै घरमा मृत अवस्थामा भेटिएको प्रहरी प्रभाग बुढानिलकण्ठले जानकारी दिएको हो ।
तामाङको शवलाई पोस्टमार्टमका लागि त्रिवि शिक्षण अस्पताल राखिएको प्रहरीले जनाएको छ । उनी आफ्नै कोठाभित्र कोठा लक गरेको अवस्थामा मृत भेटिएका हुन भने मृत्यु भएको स्थानमा कुनै शंंकास्पद चिज नभेटिएको प्रहरीले जनाएको छ ।
