काठमाडौं । भारतीय आयल कर्पोरेसन (आइओसी) ले जुलाईमा पठाएको नयाँ मुल्य सूचि अनुसार पेट्रोल र एलपीजी ग्याँसको मूल्य घटेर आएको छ । निगमका अनुसार पेट्रोल प्रति लिटर १४ पैसा र एलपीजी ग्याँस १ सय ६० रुपैयाँ घटेर आएको हो । आइओसीले नेपाल आयल निगमलाई १५ दिनमा नयाँ मूल्यसूची पठाउने गर्दछ । सोही अनुरुप पेट्रोल र एलपी ग्यासको मूल्य घटाएर पठाएको निगमले जनाएको छ ।
नयाँ मूल्य सूची अनुसार डिजेलमा प्रति लिटर २ रुपैयाँ १६ पैसा र हवाई इन्धनमा ५७ पैसा घटेर आएको निगमले जनाएको छ । हवाई इन्धनमा धेरै नाफा भएर घटाउन दबाब आएपछि निगमले हालै मात्रै आन्तरिक हवाई इन्धनमा प्रति लिटर १० रुपैयाँ मूल्य घटाएको थियो ।
