काठमाडौं । काठमाडौं महानगरपालिकाका मेयर बालेन्द्र शाहलाई स्पष्टीकरण नसोध्न उच्च अदालत पाटनले अन्तरिम आदेश जारी गरेको छ । नागरिक उड्ययन प्राधिकरणले मेयर शाहसँग स्पष्टीकरण माग गर्ने नागरिक उड्ययन प्राधिकरणको निर्णयलाई कार्यान्वयन नगर्न आदेश जारी गरेको हो ।
त्रिभुवन अन्तर्राष्ट्रिय विमानस्थलनजिकै नेपाल नागरिक उड्डयन प्राधिकरणको निर्माणाधीन भवन नक्सा पासविना निर्माण भइरहेको भन्दै काठमाडौँ महानगरपालिकाको नगर प्रहरीले त्यहाँको फेन्सिङ तारलगायतका सामग्री नियन्त्रणमा लिएको थियो । प्राधिकरणले विमानस्थल क्षेत्रमा अनधिकृत प्रवेश गरेको भन्दै प्रमुख शाहसँग स्पष्टीकरण माग गरेको थियो । प्राधिकरणको उक्त निर्णयविरुद्ध प्रमुख शाहले उच्च अदालत पाटनमा निवेदन दिएका थिए ।
