काठमाडौं । काठमाडौं महानगरले वार्षिक १ लाख रुखविरुवा रोप्ने भएको छ । महानगरका मेयर बालेन्द्र शाहले आगामी वर्षको निति तथा कार्यक्रम सार्वजनिक गर्दै यस्तो बताएका हुन् ।
महानगरले मेरो रहर हरित सहर को नारा सहित काठमाडौंलाई हराभरा बनाउने योजना बनाएको हो । चराचुरुंगीको वासस्थान सुनिश्चित गर्न महानगरभित्रका सहरी जंगलको संरक्षण तथा सम्वर्द्धन गर्न आवश्यक प्रबन्ध मिलाइने नीति तथा कार्यक्रममा उल्लेख छ।
महानगर क्षेत्रभित्रको सम्भावित स्थानमा पोखरी स्थापना गर्न सम्भाव्यता अध्ययन गरिने र यस विषयमा छिमेकी नगरपालिकासँग समेत समन्वय र सहकार्य गरिने कार्यक्रमा बताइएको छ।
वायु, ध्वनि, दृश्यलगायत विभिन्न प्रदूषण नियन्त्रणसम्बन्धी अध्ययन अनुसन्धान गरी नीतिगत व्यवस्था गरिने नीति महानगरले लिएको छ।
