काठमाडौं । स्वतन्त्र पूँजी बजार सुधार संघले घोराही सिमेन्टको प्रारम्भिक सार्वजनिक निष्काशन गर्दा भ्रष्टाचार गरेको आरोप लगाएको छ । संघले प्रेश विज्ञप्ती जारी गर्दै प्रिमियममा आइपिओ निष्काशन गर्दा भ्रष्टाचार गरेको आरोपमा शंकाको घेरामा रहेको उल्लेख गरेको छ ।
घोराही सिमेन्ट इण्डस्ट्रिजको आइपिओ स्वीकृति प्रक्रियामा भएको जालझेल, आइपिओका लागि आवेदन पेश गरेको मितिदेखि नै सेबोन अध्यक्षको जिम्मेवारी सम्हाल्दै आएका हमाल विरुद्ध आरोप लाग्दै आएको उनिहरुले उल्लेख गरेका छन् ।
उक्त कम्पनीको प्रारम्भिक नियमित आइपिओ आवेदन प्रक्रिया पालना नगरी कुन आधारमा आइपिओ निष्काशनका लागि अध्यक्ष हमालले हस्ताक्षर गरेका हुन् ? नेपालको धितोपत्र बजारको नियामक निकायको रुपमा रहेको सेबोन, पूँजीबजारमा पारदर्शिता सुनिश्चित गर्न र लगानीकर्ताको विश्वास कायम राख्न स्थापन गरिएको उनिहरुको भनाइ छ ।
धितोपत्र बोर्डका अध्यक्ष हमाल विरुद्ध लगाइएको भ्रष्टाचारको हालको आरोपले सोबोनको निष्ठा र समग्र नेपाली पूँजीबजारको विश्वसनीयतामा शंका उत्पन्न गरेको छ र यसले पूँजीबजारको विकास र विस्तारमा धेरै पछाडि धकेल्ने उनिहरुले जनाएका छन् ।
यस्ता आरोपहरुको गहिरो छानबिन गरी भ्रष्टाचारमा संलग्न कुनै पनि व्यक्तिलाई उचित कारबाही गर्न सम्बन्धित निकायलाई जोडदार माग गरिएको छ । सोबोनले लगानीकर्ताको विश्वास स्थापित गर्न र आइपिओ स्वीकृति प्रक्रियाको पारदर्शिता र निष्पक्षता सुनिश्चित गर्न तत्काल कदम चाल्न समेत उनिहरुले अनुरोध गरेका छन् ।