काठमाडौं । नेपाल धितोपत्र बोर्डले घोराही सिमेन्टको आइपीओ निष्काशन प्रक्रिया बन्द गर्ने निर्णय गरेको छ । उक्त कम्पनकिो आइपीओमा ठुलो मात्रामा झुटो आवेदन भरेर लगानीकर्तालाई भ्रममा पारिएको समाचार सार्वजनिक भएपछि बोर्डले यस्तो निर्णय गरेको हो ।
यस कम्पनीलाई प्रदान गरिएको इस्कुअर रेटिङ, क्रेडिट रेटिङ नियमावली २०६८ को नियम ३४ को उपनियम २ विपरित भए नभएको बारेमा केयर रेटिङ नेपाललाई तीन दिनभित्र स्पष्ट गरी पेश गर्न जेठ ३० गते पत्राचार गरिएकोमा कयर रेटिङ नेपालले हालसम्म पनि जानकारी पेश नगरी कुनै आधार बीना म्याद थपको लागि अनुरोध गरिएको हुनाले बोर्डले हाललाई आइपीओ निष्काशन बन्द गर्ने निर्णय गरेको हो ।
साथै कम्पनकिो आइपीओमा मागभन्दा बढी आवेदन प्राप्त हुँदा पनि म्याद थप गरेको हुनाले लगानीकर्ताहरुको सुरक्षा तथा हित संरक्षणलाई मध्यनजर गर्दै कम्पनीको रेटिङ र सार्वजनिक निष्काशन सम्बन्धी कैफियतको जाचँबुझका लागि हाललाई कम्पनीको आइपीओ विक्री बन्द गर्ने निर्णय गरेको हो ।
