काठमाडौं । काठमाडौं महानगरपालिकाभित्र सोमबारदेखि भारतयि चलचित्र प्रदर्शन नहुने भएको छ । भारतीय चलचित्र प्रदर्शन रोक्नका लागि नगर प्रहरीलाई खटाइने काठमाडौं महानगरपालिकाले जनाएको छ ।
नगर प्रहरीले आइतबार बेलुकासम्म महानगरभित्रका सबै हलसमा पुगेर भारतीय फिल्म नचलाउन निर्देशन दिनेछन् । महानगरका मेयर बालेन्द्र शाहले भारतीय चलचित्र आदिपुरुषमा समावेश भएको जानकी भारतीय छोरी हुन् भन्ने आपत्तिजनक सन्देश उक्त चलचित्रबाट हटाउन ३ दिनअघि आह्वान गरेका थिए । उक्त चलचित्रबाट नेपालमाथि साँस्कृतिक अतिक्रमण भएको भन्दै महानगरले भारतीय चलचित्र प्रदर्शनीमा रोक लगाएको हो ।
