काठमाडौं । कान्तिपुर टेलिभिजन नेटवर्क लिमिटेड र सानिमा हाइड्रोपावर लिमिटेडले आइपीओ निष्काशन गर्नका लागि बोर्डमा निवेदन पेश गरेका छन् । कान्तिपुर टेलिभिजनले जेठ २८ गते र सानिमा हाइड्रोपावर जेठ २६ गते बोर्डमा निवेदन दिएका हुन् ।
कान्तिपुर टेलिभिजनले सर्वसाधारणको लागि ७ करोड ५० लाख रुपैयाँ बराबरको ७ लाख ५० हजार कित्ता शेयर निष्काशन गर्न अनुमति माग गरेको छ भने सानिमा हाइड्रोपावरले पनि आयोजना प्रभावित स्थानिय र सर्वसाधारणको लागि २४ करोड ५० लाख रुपैयाँ बराबरको २४ लाख ५० हजार कित्ता शेयर निष्काशन गर्न बोर्डमा आवेदन दिएको हो । यी दुबै कम्पनीको शेयर निष्काशन तथा बिक्री प्रबन्धक सानिमा क्यापिटल लिमिटेड रहेको छ ।
