काठमाडौं । सरकारले बर्षायाममा सडक खन्न प्रतिबन्ध लगाएको छ । सडक विभाग अन्तर्गतको संघीय सडक सुपरिवेक्षण तथा अनुगमन कार्यालयले असार १ गतेदेखि भदौ समान्तसम्म सडक खन्न स्वीकृति नदिने जनाएको छ । सो समयमा जबरजस्ती सडक खन्नेलाई कानुन बमोजिम कारबाहि गरिने जनाएको छ ।
वर्षायाममा धारा, ढल, बिजुली, टेलिफोन आदि प्रयोजनका लागि सडक खन्दा तत्काल मर्मत सम्भार गरी यथास्थितिमा ल्याउन नसकिने र सडक थप बिग्रदै जाने भएकोले २०८० असार १ गतेदेखि भदौ मसानतसम्म कुनै पनि सडक खन्ने स्वीकृति नदिने भएको हो । यदि कसैले जबरजस्ती सडक खनेको पाइएमा सार्वजनिक सडक ऐन २०३१ अनुसार कारबाही गरिने संघीय सडक सुपरिवेक्षण तथा अनुगमन कार्यालयले जनाएको छ ।
