काठमाडौं । आज नेप्से बजार ४ दशमलव ६८ प्रतिशतले बृद्धि हुँदा १९३२ दशमलव ३३ को विन्दुमा कायम भएको छ । आज कुल २ अर्ब ३६ करोड ८८ लाख १५ हजार रुपैयाँको शेयर कारोबार हुँदा सबैभन्दा धेरै युनिक नेपाल लघुवित्त वित्तीय संस्थाका लगानीकर्ताले कमाएका छन् । आज कम्पनीको शेयरमा सकारात्मक सर्किट लाग्दै प्रति शेयर मूल्य १ हजार ३५३ रुपैयाँ कायम भएको छ ।
यसैगरी आज खप्तड लघुवित्त वित्तीय संस्था लिमिटेडको शेयर ८.०२ प्रतिशतले बृद्धि हुँदा प्रति शेयर मूल्य ९०२ रुपैयाँ कायम भएको छ । साथै, स्वाबलम्बन लघुवित्त वित्तीय संस्था लिमिटेडको शेयर ५.९६ प्रतिशतले बृद्धि हुँदा प्रति शेयर मूल्य ८३५ रुपैयाँ कायम भएको छ ।
