काठमाडौं । आज सुनको मुल्यमा गिरावट आएको छ । गत शुक्रबार हालसम्म कै उच्च बिन्दुमा पुगेको सुनको मूल्य आज भने घटेको हो । गत शुक्रबार तोलामा १ लाख १३ हजार ३ सय रुपैयाँमा कारोबार भएको छापावाल सुन आज आइतबार तोलामा १७ सय रुपैयाँले घटेर प्रतितोला १ लाख ११ हजार ६ सय रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।
त्यस्तै, आज तेजावी सुन पनि तोलामा १७ सय रुपैयाँले नै घटेर प्रति तोला १ लाख ११ हजार ५० रुपैयाँमा कारोबार भएको छ । चाँदीको भाउ पनि तोलामा २० रुपियाँले घटेर प्रतितोला १ हजार ४ सय १५ रुपैयाँमा कारोबार भइरहेको छ ।
