काठमाडौं । सरकारले पूँजीगत लाभकरका विषयमा लगानीकर्ताहरुमा छाएको अन्योलता निराकरण गरे सँगै शेयर बजारमा सुधार देखिएको छ । यहि कारणले गएको दुई कारोबार दिनमा नेप्से सूचक ९४ अंकले घट्यो ।
आन्तरिक राजश्व विभागले सर्वजनिक सूचना जारी गर्दै आम लगानीकर्ता जो कहिलेकाही शेयर कारोबार गर्छन् उनिहरुका लागि पूँजीगत लाभकर यथावत रहेको स्पष्टिकरण दिएको थियो । व्यक्तिगत प्यान नम्बरबाट शेयर कारोबार गर्ने लगानीकर्ताहरुको हकमा पूँजीगत लाभकर यथावत रहेको छ ।
यदि कसैले व्यवसायिक रुपमा शेयर कारोबार गर्दै आएका छन् भने उनिहरुले विगतका तीन आर्थिक वर्षमा राज्यलाई भुक्तानी गर्नु पर्ने कर मध्ये ५० प्रतिशत मात्रै भुक्तानी गर्न निर्देशन दिएको थियो । तर व्यवसायिक र पटके लगानीकर्ताको विषयमा राजस्व विभाग नै अन्योलमा छ । कानुनी रुपमा व्यवसायिक र पटके लगानीकर्ताको वर्गिकरण नभएको हुँदा यस विषयमा विभागले पनि केहि गर्न सक्ने अवस्था छैन ।
यहि विषयलाई लिएर लगानीकर्ताहरुले आज आन्दोलनको घोषणा समेत गर्न भ्याएका थिए । तर विभागको प्रयत्न र अर्थमन्त्री डा. प्रमाशशरण महतले यस विषयमा भ्रमित नहुन वारम्बार भन्दै आएका छन् । यहि कारणले हिजोका दुई दिनमा लगानीकर्ताले गुमाउनु पर्यो ।
आज साताको अन्तिम दिन बिहीबार भने नेप्से सूचक १६.५४ अंकले सुधार भएको छ । सूचक सँगै कारोबार रकम एक अर्ब ६५ करोडमा खुम्चिएको छ । आज १७१ वटा कम्पनीको शेयर मूल्यमा सुधार हुँदा ३७ वटा कम्पनीको शेयर मूल्यमा गिरावट देखिएको छ ।
आज पनि प्रभु बैंकको २३ करोड २१ लाख रुपैयाँ बराबरको संस्थापक शेयर कारोबार भएको छ । आज सम्पुर्ण सूचक तथा उपसूचकमा सुधार देखिएको छ । लाभकरको विषयमा विवाद निराकरण भए पनि प्रिमियममा शेयर बिक्री गरेका तथा मर्जरका क्रममा प्रिमियम आर्जन गरेका कम्पनीहरुले भने अर्बौ रुपैयाँ दायित्व सिर्जना भएको छ । उनिहरुले यदि सरकारले भने अनुरुप कर तिर्ने हो भने आगामी वर्ष लाभांश दिनै सक्दैनन् ।
