काठमाडौं । दुई कम्पनीको कुल २१ लाख २७ हजार ७५० दशमलव ५ कित्ता संस्थापक शेयर सर्वसाधारण शेयरमा परिवर्तन भएको छ । अजोड इन्स्योरेन्सको १९ लाख कित्ता र श्री इन्भेष्टमेन्ट एण्ड फाइनान्सको २ लाख २७ हजार ७५० दशमलव ५० कित्ता संस्थापक शेयर सर्वसाधारण शेयरमा परिवर्तन भएको हो ।
अब अजोड इन्स्योरेन्सको संस्थापक समूहको हिस्सा ५१ प्रतिशत र सर्वसाधारण समूहको ४९ प्रतिशत कायम भएको छ । यसअघि कम्पनीमा संस्थापक समूहको हिस्सा ७० प्रतिशत र सर्वसाधारण समूहको ३० प्रतिशत कायम रहेको थियो ।
त्यसैगरी श्री इन्भेष्टमेन्ट एण्ड फाइनान्सको संस्थापक समूहको हिस्सा ५१ प्रतिशत र सर्वसाधारण समूहको ४९ प्रतिशत कायम भएको छ । यसअघि कम्पनीमा संस्थापक समूहको हिस्सा ५२ दशमलव ३२ प्रतिशत र सर्वसाधारण समूहको ४६ दशमलव ६८ प्रतिशत कायम रहेको थियो ।
