काडमाडौं । साताको अन्तिम दिन शेयर बजारमा ३२.३० अंकको सुधार देखिएको छ । बिहीबार नेप्से सूचक सँगै कारोबार रकममा पनि ह्वात्तै बृद्धि भएको छ । आज एक अर्ब ४७ करोड रुपैयाँको खरिद बिक्री भएको छ ।
लगानीकर्ता संघ संघठनका पदाधिकारीहरुले प्रधामन्त्री प्रचण्डलाई भेटेरै शेयर बजारलाई संबोधन गर्न अनुरोध गरेका थिए । उनिहरुले बजार सुधारका लागि नेपाल राष्ट्र बैंक र अर्थमन्त्रालयलाई आफुहरुका माग संबोधन गरिदिन अनुरोध समेत गरेका थिए ।
लगानीकर्ताले पछिल्लो समय शेयर बजार सम्बन्धीत विभिन्न क्षेत्रका पदाधिकारीहरुलाई भेटिरहेका छन् । उनिहरुले बजार सुधारका लागि विभिन्न माग समेत राखेका छन् । यस सँगै लगानीकर्ताको मनोबल बढेको हो । बिहीबार २०४ वटा कम्पनीको शेयर मूल्यमा सुधार हुँदा ११ वटाको भने घटेको छ । सम्पुर्ण सूचक तथा उपसूचकमा सुधार देखिएको छ ।