काठमाडौं । आज बिहिबार पनि सुनको भाउ घटेको छ । हिजो बुधबार पनि तोलामा ११ सय रुपैयाँले घटेर प्रतितोला १ लाख १० हजार रुपैयाँमा कारोबार भएको छापावाल सुनको भाउ आज पनि तोलामा ३ सय रुपैयाँले घटेर प्रतितोला १ लाख ९ हजार ७ सय रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।
सुन चाँदी व्यवसायी महासंघका अनुसार तेजावी सुनको भाउ पनि आज तोलामा ३ रुपैयाँले नै घटेर तोलाको १ लाख ९ हजार २ सय रुपैयाँमा कारोबार भइरहेको छ । आज चाँदीको भाउ भने प्रतितोला १ हजार ३ सय ७० रुपैयाँमा स्थिर रहेको छ ।
