काठमाडौं । यातायात व्यवस्था विभागले अन्तरप्रदेश सार्वजनिक यातायात अन्तर्गत यात्रुवाहक तथा मालवाहक सवारी साधनको भाडादर घटाएको छ । बुधवार नेपाल आयल निगमले डिजेलको भाउ घटाएसँगै विभागले भाडादर घटाएको हो ।
विभागले यात्रुवाहक सवारी साधनको भाडा ३.२० प्रतिशतले घटाएको छ । साथै पहाडी बाटोमा सञ्चालन हुने मालवाहक सवारीमा भने ४.१९ प्रतिशले घटेको छ । तराईको बाटोमा सञ्चालन हुने मालवाहक सवारी ४.६५ प्रतिशतले घटेको हो ।
