नेपाल इन्स्योरेन्स र आईएमई जनरल इन्स्यारेन्स कम्पनीले मर्जरको तयारी गरेका छन् । आईएमई समुहको लगानी रहेको दुवै कम्पनी एक आपसमा मर्जरमा जाने तयारी गरेको कम्पनी स्रोतले बताएको छ ।
त्यस्तै, लाईफ इन्स्योरेन्स कर्पोरेशन र सूर्या लाईफ इन्स्योरेन्स कम्पनी पनि मर्जरको तयारीमा रहेको स्रोतले बताएको छ । यि दुवै कम्पनीमा विशाल समुहको लगानी रहेको छ ।
नेपालमा बीमा कम्पनीहरुको संख्या धेरै भए पछि बीमा समितिले मर्जरको नीति अपनाएको हो । कम्पनी ऐनमा कम्पनीहरु एक आपसमा गाभिन सक्ने र प्राप्ती गर्न सक्ने व्यवस्था गरिएको छ । साथै बीमा समितिले मर्जर निर्देशिका जारी गर्दै मर्जरमा जाने कम्पनीहरुलाई विभिन्न आठ सुविधा प्रदान गरेको छ ।
बीमा समितिले क्रस होल्डिंग भएका कम्पनी र पूँजी पुर्याउन नसकेका कम्पनीलाई मर्जरमा जान फोर्स गरेको छ ।
लाईफ इन्स्योरेन्स कर्पोरेशन नेपालकोे चुक्ता पूँजी १ अर्ब ४९ करोड पुगेको छ । सूर्या लाईफ इन्स्योरेन्स १ अर्ब १३ करोड रुपैयाँ पुगेको छ । साथै नेपाल इन्स्योरेन्स कम्पनीको पूँजी ६१ करोड ६३ लाख पुगेको छ । आईएमई जनरल इन्स्योरेन्सको ९७ करोड २० लाख रुपैयाँ पुगेको छ ।
बीमा समितिको प्रावधान अनुसार जीवन बीमा कम्पनीले चालु आव भित्रमा २ अर्ब रुपैयाँ पूँजी पुर्याउनुपर्ने छ भने निर्जीवन बीमा कम्पनीले १ अर्ब रुपैयाँ पुर्याउनुपर्नेछ ।
