काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेका सवारी चालक दिलबहादुर थापाको निधन भएको छ। उपचुनावको क्रममा चितवनमा रहँदा घरको छतबाट खसेर घाइते भएका थापाको मेडिसिटी अस्पतालमा मंगलबार दिउँसो २ बजेतिर उपचारको क्रममा निधन हो ।
सिन्धुपाल्चोक बाह्रबिसे नगरपालिका वडा न. ३ घर भएका ३९ वर्षीय थापा घरको छतबाट लडेर घाइते भएपछि चितवनको कलेज अफ मेडिकल साइन्सेस शिक्षण अस्पतालमा उपचार गरिएको थियो । उनको खुट्टा र टाउकोमा गम्भीर चोट लागेको थियो।
