काठमाडौं । नयाँ स्टक एक्सचेन्ज र ब्रोकर लाइसेन्सको विषयलले शेयर बजारको सुधारलाई रोकिरहेको छ । नयाँ स्टक एक्सचेन्ज र ब्रोकर आए पछि अहिलेको बजार के हुन्छ र अझै कति तल झर्छ भन्ने आशंकाले दोस्रो बजारमा लगातार गिरावट आइरहेको छ ।
यसका साथै राजनीतिक अस्थिरता अझै चुलिने देखिएको छ । अझै सरकारको विषयलाई लिएर चौतर्फी रुपमा आशंका पैदा भएका छन् । भद्दा सत्ता समिकरण बनाउनु पर्ने जनादेशका कारण सरकारको आयु एकदमै छोटो हुँदै गइरहेको छ । यसै कारण नेप्से सूचक आज पनि १९.११ अंकले घटेर १८७०.६५ मा झरेको छ । कारोबार रकम ९५ करवड ४३ लाख रुपैयाँमा सिमित भएको छ । सम्पुर्ण सूचक तथा उपसूचकमा गिरावट आउदा १८९ वटा कम्पनीको शेयर मूल्यमा गिरावट आएको छ भने जम्मा २६ वटा कम्पनीको शेयर मूल्यमा भने सुधार देखिएको छ ।
