काठमाडौं । स्वास्थ्य तथा जनसंख्या मन्त्रालयले ‘हरेक शुक्रबार साढे दश बजे दश मिनेट’ अभियान सुरु गरेको छ । मन्त्रालयले गत वर्ष नेपालमा डेंगी संक्रमण हालसम्मकै अत्याधिक भएकोले यो वर्ष समयमै लामखुट्टेको वृद्धि विकासमा रोक लगाउन उक्त अभियान सुरु गरेको हो ।
डेंगी सार्ने लामखुट्टेको नियन्त्रण साथै टोकइबाट बच्न आवश्यक रहेकोले घरवरिपरि अथवा आफू कार्यरत कार्यालय वरिपरी लामखुट्टेको विकास हुन नदिन मन्त्रालयले अनुरोध गरेको छ । बैशाख १५ गते शुक्रबार बिहान साढे दश बजे दश मिनेटसम्म यो अभियान संचालन गरी सरकारी तथा सार्वजनिक कार्यालयहरुले आफ्नो कार्यालय हाताभित्र सबै कर्मचारीको उपस्थिति गराई सरसफाई गर्न मन्त्रालयले अनुरोध गरेको छ ।
