काठमाडौं । रावा इनर्जी डेभलपमेन्ट लिमिटेडले वैदेशिक रोजगारीमा रहेका नेपालीमा विक्री गरेको आइपीओ बाँडफाँड गरेको छ । कम्पनीले चैत २३ गतेदेखि वैशाख ७ गतेसम्म वैदेशिक रोजगारीमा रहेका नेपालीमा ५६ हजार कित्ता आइपीओ विक्री गरेको थियो । उक्त आइपीओ बाँडफाँड गरेको हो ।
तोकिएको अवधिभित्र रितपूर्वक आवेदन दिएका आवेदकहरूलाई शेयर बाँडफाँड गरिएको कम्पनीले जनाएको छ । विक्री प्रबन्धकमा प्रभु क्यापिटल लिमिटेड छ । कम्पनीले आयोजना प्रभावित स्थानीयमा पनि चैत २३ गतेदेखि आइपीओ विक्री गरिरहेको छ । आयोजना प्रभावित स्थानीयले भने वैशाख २२ गतेसम्म आवेदन दिन सक्नेछन् ।
कम्पनीले जारी पूँजी २८ करोडको १० प्रतिशतले हुने २ करोड ८० लाख बराबरको २ लाख ८० हजार कित्ता शेयर आयोजना प्रभावित क्षेत्रका स्थानीय बासिन्दाहरूका लागि निष्काशन गरेको हो ।
त्यस्तै दोस्रो चरणमा जारी हुने सर्वसाधारण लगानीकर्ताहरूका लागि छुट्याइएको शेयरको १० प्रतिशतले हुन आउने ५६ लाख बराबरको ५६ हजार कित्ता आइपीओ कम्पनीले वैदेशिक रोजगारीमा गएका नेपालीहरूका लागि बाँडफाँड गरेको हो ।
