आशा राणा अधिकारी सनराइज बैंकको कायम मुकायम प्रमुख कार्यकारी अधिकृतमा नियुक्त भएकी छिन् । रत्नराज बज्राचार्यको ४ वर्षे कार्यकाल सकिए पश्चात सनराइज बैंकमा प्रमुख कार्यकारी अधिकृत रिक्त भएको थियो । उनी बाहिरिएसँगै बैंकले राणालाई कामु प्रमुख कार्यकारीको रुपमा जिम्मेवारी दिएको हो । उनी बैंकमा डेपुटी प्रमुख कार्यकारी अधिकृतको रुपमा कार्यरत थिइन् ।
सन् १९८५ मा संयुक्त राज्य अमेरिकाको क्यालिफोर्नियास्थित स्टानफोर्ड विश्वविद्यालयमा सहायक लेखापालको रुपमा व्यवसायिक करियर सुरुवात गरेकी राणाले राष्ट्रिय वाणिज्य बैंक हुँदै सनराइज बैंकका प्रवेश गरेकी हुन् ।
