काठमाडौं । वीरगञ्जको आदर्शनगरस्थित सालिमार अपार्टमेन्टमा फ्ल्याट खरिद गर्दा १५ तोलासम्म सुन उपहार पाइने भएको छ । सालीमार होम्स प्रा.लि.ले नयाँ वर्षको अवसरमा ‘फ्ल्याट खरिदमा सुनको वर्षा’ नामक योजना ल्याएको हो ।
सालीमार होम्सको यस अपार्टमेन्टमा ९ र १० तलाका दुईवटा भवन छन् । अपार्टमेन्टमा दुई बीएचके, तीन बीएचके, चार बीएचके र पाँच बीएचके फ्ल्याट रहेका छन् ।
अपार्टमेन्टमा फ्ल्याटको मूल्य १ करोड ७० लाखबाट सुरु हुने कम्पनीले जनाएको छ । अपार्टमेन्टभित्र प्ले रुम, बच्चा खेल्ने एरिया, मन्दिर, जीम, कम्युनिटी हल, स्वीमिङ पुल लगायत सुविधाहरु उपलब्ध रहेको जनाइएको छ ।
