काठमाडौं । अर्किड होल्डिङ्ग्स लिमिटेडले आज चैत २६ गतेदेखि ५३ दशमलव ६५८२ प्रतिशत हकप्रद शेयर विक्री गर्ने भएको छ । कम्पनीले चैत १९ गतेसम्म कायम शेयरधनीहरूका लागि प्रतिशेयर १ सय रुपैयाँ अंकित मूल्यको ४१ लाख ९० हजार ४६० कित्ता हकप्रद शेयर विक्री गर्ने जनाएको छ ।
उक्त हकप्रद शेयर खरीदका लागि बैशाख ३० गतेसम्म आवेदन दिन सक्नेछन् । हकप्रद शेयर वापतको रकम लक्ष्मी बैंक लिमिटेड हात्तिसारमा रहेको बैंक खाता नम्बर ००५३४०१२१९५ मा जम्मा गरी सोको भौचर कम्पनीको लेखा शाखामा बुझाउन कम्पनीले आग्रह गरेको छ ।
