काठमाडौं । एकल आमाबाट जन्मेका बच्चाले पाउने जन्मदर्ताबारे राष्ट्रिय परिचयपत्र तथा पञ्जीकरण विभागले सर्कुलर जारी गरेको छ । उक्त सर्कुलर अनुसार मावलीकै थर राखि बच्चाको जन्मदर्ता गर्न सकिने छ ।
विवाहअघि जन्म भएको तर पितृत्वको ठेगान नभएको एकल महिलाले विवाह गरी बच्चा सहित पतिको ठेगानामा बसेको अवस्थामा बच्चाको मावलीको थर राखि आमाको हालको ठेगानामा जन्मदर्ता गरिदिने उक्त सर्कुलरमा उल्लेख छ ।
यसैगरी, विवाह अघि जन्म भएको तर पितृत्वको ठेगान नभएको बच्चा भएको एकल महिलाले विवाह गरी पतिसँगै बसेको तर उक्त बच्चा मावलीमै बसेको भए मावलीकै थर कायम गरी मावलीकै ठेगानामा आमालाई सूचक राखी जन्म दर्ता गरिदिने उल्लेख गरेको छ ।
