काठमाडौं । नयाँ नियुक्त भएका मन्त्रीहरुको शपथ ग्रहण आज हुने भएको छ । राष्ट्रपति कार्यालय शितलनिवासले नवनियुक्त मन्त्रीको शपथ ग्रहण आज दिउँसो ३ बजे हुने जनाएको छ ।
शपथ ग्रहण गर्नेमा नेपाली काँग्रेसबाट आठ मन्त्री, एकीकृत समाजवादीबाट २, जसपाबाट २ जना, माओवादी केन्द्रबाट एक जना, नागरिक उन्मुक्ति, लोसपा, आजनता पार्टी र नेसपाबाट एक एक जना मन्त्री रहेका छन् । विभिन्न दलले सरकारबाट समर्थन फिर्ता गर्ने कार्य निरनतर चलिरहँदा लामो समयदेखि रिक्त रहेको मन्त्रालयमा मन्त्री नियुक्ति भएसँगै शपथग्रहण गर्ने तयारी गरेको हो ।
प्रधानमन्त्री पुष्पकमल दाहाल प्रचण्डले विहिवार नै मन्त्रिपरिषद विस्तारको कार्य अन्तिम चरणमा पुग्ने बताएपनि शुक्रबार मन्त्रिपरिषद विस्तारले पूर्णता पाउन लागेको हो ।
