काठमाडौं । नेपालमा कोरोना संक्रमणको संख्या पुन बढ्न थालेको छ । हिजो सोमबार एकैदिन ६९ जनामा कोरोना पुष्टि भएकोमा आज थप २४ जना संक्रमितको संख्या थपिएको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा परिक्षण गरिएको कुल १ हजार ४२९ जनामध्ये १ हजार १०९ जनामा एन्टीजेन र ३२० जनामा आरटी पीसीआर मार्फत कोरोना संक्रमण परिक्षण गरिएको थियो । जसमध्ये आरटीपीसीआर मार्फत १५ जना र एन्टीजेन मार्फत ९ जनामा कोरोना पुष्टि भएको हो ।
आज थपिएका संक्रमितसँगै नेपालमा सक्रिया कोरोना संक्रमितको संख्या ७८ जना पुगेको छ ।
