काठमाडौं । सरकारमा नेपाली कांग्रेस जाने निर्णयले पनि शेयर बजारलाई प्राभाव पार्न सकेन । राष्ट्रपति र उपराष्ट्रपतिको निर्वाचन सँगै सत्ता गठबन्धनमा रहेका दलहरुले मन्त्री पठाउन सुरु गर्नेछन् । सोहि अनुसार अर्थमन्त्री नेपाली कांग्रेसको भागमा परेको छ ।
अर्थमन्त्री नेपाल कांग्रेसको भागमा परे पनि अझै को व्यक्ति अर्थमन्त्री हुन्छ भन्ने निर्णय हुन सकेको छैन । बजारमा पुरानै पात्र दोहोरिन सक्ने अनुमानले पनि शेयर बजारमा खासै सकारात्मक बनाउन सकेको छैन ।
अर्को तर्फ बैंक वित्तीय संस्थाले कर्जा र निक्षेपको व्याजदर घटाइसकेका छन् । विश्व बजारमा पेट्रोलियम पदार्थको मूल्य विस्तारै घट्न थालिसकेको सन्दर्भमा अहिलेको चरम मूल्य बृद्धिलाई केहि राहत पुर्याउन सक्ने अनुमान गरिएको छ । सबै सूचकहरु सकारात्मक देखिए पनि सरकारले संकलन गरेको राजस्वको तुलनामा बजेट खर्च धेरै छ । यसले पनि लगानीकर्तामा आर्थिक संकट अझै पनि समाधान हुन सक्ने देखिदैन ।
साताको पहिलो दिन कारोबार सुरु हुने वित्तीकै सुधार हुन थालेको थियो तर सुधारको क्रम धेरै समय टिक्न सकेन । अन्तिममा नेप्से सूचक ६.९० अंकले घटेर बन्द भएको छ । नेप्से सूचक १९२६.४० अंकमा झारेको हो । प्राविधिक विश्लेषकहरुका अनुसार बजारको सबैभन्दा तल्लो टेकोमा पनि टिक्न नसके पछि बजार घटेको हो। कारोबार रकम पनि एक अर्ब ६ करोडमा सिमित भएको छ । यदि राजनीतिक घटना क्रमले साथ दियो भने बजार सुधार हुन्छ भन्ने अपेक्षा गरिएको थियो ।
प्रधामन्त्री प्रचण्डको सरकार र उनको सरकारमा नेपाली कांग्रेस जाने निर्णले पनि बजार सुधार हुन नसके पछि लगानीकर्ता चिन्ति बनेका छन् । आज १२७ वटा कम्पनीको शेयर मूल्यमा गिरावट आउदा ७४ वटाको मूल्य पनि घटेको छ ।
आज तीन वटा कम्पनीको शेयर मूल्य सर्वाधिक धेरै बढ्ने क्रममा सर्किट लागेको छ । होटल, हाइड्रोपावर, लगानी, निर्जीवन बीमा र व्यापरको सूचकमा सुधार देखिन्छ ।
