काठमाडौं । आज साताको तेस्रो दिन शेयर बजार सामान्य अंकले बढेको छ । आज नेप्से परिसूचक १ दशमलव ८५ अंकले बढेर १,९५३ दशमलव ०६ को विन्दुमा कायम भएको छ । आज १२६ कम्पनीको शेयर मुल्य बढेको छ भने ७८ कम्पनीको शेयर मुल्य घटेको छ ।
आज दिनभरिमा २५५ कम्पनीको ३३ लाख १८ हजार १०८ कित्ता शेयर किनबेच हुँदा १ अर्ब १३ करोडमाथिको शेयर कारोबार भएको छ । आज सबैभन्दा धेरै एनआइसी एशिया बैंकको शेयर कारोबार भएको छ । आज बैंकको १० करोड ४८ लाख रुपैयाँको शेयर कारोबार भएको छ ।
नविल बैंकको ३ करोड ४४ लाख रुपैयाँको शेयर कारोबार भएको छ । शिवम् सिमेन्टको ३ करोड १६ लाख रुपैयाँको शेयर कारोबार भएको छ । हिमालयन डिष्टिलरीको २ करोड ७७ लाख रुपैयाँको शेयर कारोबार भएको छ ।
