काठमाडौं । राष्ट्रपति चयनका लागि भएको निर्वाचनमा नेपाली काँग्रेसका बरिष्ठ नेता रामचन्द्र पौडेल विजयी भएका छन् । पौडेलले प्रतिस्पर्धी एमाले नेता सुवास नेम्बाङलाई पराजित गर्दै राष्ट्रपतिमा निर्वाचित भएका हुन् ।
विहिबार विहान भएको राष्ट्रपतिको निर्वाचनमा पौडेललाई संघतर्फ २१४ र प्रदेशतर्फ ३५२ गरि कुल ५६६ सांसदले मत दिएका थिए । साथै ५ भोट भने बदर भएको छ । प्रतिष्पर्धी नेम्बाङले भने २७० मत प्राप्त गरेका थिए ।
नेपाली कांग्रेसका वरिष्ठ नेता पौडेललाई कांग्रेस, नेकपा माओवादी केन्द्र, राष्ट्रिय स्वतन्त्र पार्टी, जसपा, नेकपा एकीकृत समाजवादी, जनमत पार्टी, लोसपा, नागरिक उन्मुक्ति पार्टी, राष्ट्रिय जनमोर्चालगायतले मतदान गरेका थिए।