काठमाडौं । राष्ट्रपति चयनका लागि मतदान सुरु भएको छ । नयाँ बानेश्वरस्थित संसद भवनमा १० बजेदेखि मतदान सुरु भएको हो । यो मतदान दिउँसो ३ बजेसम्म चल्नेछ भने त्यसपश्चात मतगणाना सुरु हुनेछ ।
सङ्घीय संसद र प्रदेशसभा सदस्यले छुट्टा छुट्टै मतदान केन्द्रबाट मतदान गरिरहेका छन् । । सङ्घीय संसद् अन्तरगतका प्रतिनिधिसभा र राष्ट्रिय सभा सदस्य तथा सात वटै प्रदेशसभाका सदस्यले मतदान गर्नेछन् । राष्ट्रपतिको निर्वाचनमा संघीय र प्रदेशतर्फका ८ सय ४२ सांसदले मतदान गर्नेछन् ।
