काठमाडौं । नेपाल स्टक एक्सचेन्जले मार्जिन कारोबारका लागि योग्य ८७ वटा कम्पनीको सूचिकृत सार्वजनिक गरेको छ । नेपाल स्टक एक्सचेन्जले तयार पारेको सूचीमा १० वटा बीमा कम्पनी परेका छन् । जसमा जीवन बीमा तर्फ एशियन लाइफ, एलआइसी नेपाल, नेपाल लाइफ र नेशनल लाइफ रहेका छन् । त्यस्तै निर्जीवन तर्फ आइएमई जनरल, नेपाल इन्स्योरेन्स, नेको इन्स्योरेन्स, एनएलसी इन्स्योरेन्स, शिखर इन्स्योरेन्स रहेका छन् भने पुनर्बीमा कम्पनीको तर्फबाट नेपाल पुनर्बीमा कम्पनी रहेको छ ।
जवकी नेपाल स्टक एक्सचेन्जमा १६ वटा निर्जीवन बीमा कम्पनी र ११ वटा जीवन बीमा कम्पनी सूचिकृत छन् । हाल नेप्सेमा २४९ वटा कम्पनी सूचिकृत छन् । तर जम्मा ८७ वटा मात्रै कम्पनीको मार्जिन शेयर कारोबार गर्न पाउने भए सँगै १६२ वटा कम्पनी कारोबारका लागि अयोग्य देखिएका छन् ।
मार्जिक कारोबार गर्न योग्य हुनका लागि मार्जिन कारोबारसम्बन्धी कार्यविधि–२०७५ मा भएको मापदण्ड पुरा गरेको हुनुपर्छ । कार्यविधिमा कम्पनीमा कम्तिमा १० हजारभन्दा बढी सेयरधनी भएको, कम्पनीको खुद सम्पत्ती चुक्ता पुँजी भन्दा कम नरहेको, पछिल्लो दुई आर्थिक वर्षमा कम्तिमा १० प्रतिशत लाभांश वितरण गरेको । दोस्रो बजारमा अघिल्लो आर्थिक वर्षभरी कम्तिमा ८० प्रतिशत कारोबार दिनमा सेयर कारोबार भएको, आर्थिक वर्षको प्रथम ६ महिनाभित्रै वार्षिक साधारण सभा सम्पन्न गरेको हुनुपर्ने छ ।
मार्जीन कारोबारको सुविधा ब्रोकरहरु आफैले दिन सक्छन् । बैंक वित्तीय संस्थाले पनि मार्जीन कारोबारको सुविधा प्रदान गर्दा नेपाल स्टक एक्सचेन्जको यहि नियमलाई तथा सूचिलाई पछ्याउने गरेका छन् ।
1667883422079_230307_133753
