काठमाडौं । मोलुङ हाइड्रोपावर कम्पनीले सर्वसाधारणको लागि निष्काशन गरेको आइपीओ बाँडफाँड सम्पन्न गरिसकेको छ । कम्पनीको आइपीओ नतिजा ३ तरिकाबाट हेर्न सकिनेछ । आइपीओ नतिजा भने केही समयपछि मात्र प्रकाशन हुने विक्री पब्रन्धक सनराइज क्यापिटलले जनाएको छ ।
आइपीओको नतिजा प्रकाशन भएपछि विक्री प्रबन्धकको वेवसाइट, सिडीएससीको मेरो शेयरको वेबसाइट र सिडीएसले आइपीओको लागि संचालन गरेको वेबसाइटबाट नतिजा हेर्न सकिनेछ ।
जसअनुसार बिक्रि प्रबन्धक सनराइज क्यापिटलको वेबसाइट https://www.sunrisecapital.com.np/ipo, सिडीएससीको मेरो शेयरको वेबसाइट http://meroshare.cdsc.com.np/#/login , सिडीएसले आइपीओको लागि संचालन गरेको वेबसाइट http://iporesult.cdsc.com.np/ बाट हेर्न सकिने छ ।
क्यापिटलका अनुसार आइपीओमा कुल १४ लाख २४ हजार ३ सय ५१ आवेदकबाट १ करोड ५५ लाख ७९ हजार ८ सय कित्ताको आवेदन परेको थियो । जसमध्ये ७ हजार ५ जनाको आवेदन रद्द भएको क्यापिटलले जनाएको छ । योग्य आवेदकको संख्या १४ लाख १७ हजार ३ सय ४६ रहेको छ।
योग्य रहेका १४ लाख १७ हजार ३ सय ४६ जनालाई गोलाप्रथामा सहभागी गराएर गोलाप्रथा मार्फत शेयर बाँडफाँड गरेको छ । जसअनुसार २ लाख २६ हजार ४ सय ६५ जनाले शेयर पाएका छन् । २ लाख २६ हजार ४ सय ६५ जना आवेदक मध्ये ५ जनाले ११ कित्ता शेयर पाएका छन् भने बाँकिले १० कित्ता शेयर पाएका छन् ।
