काठमाडौं । सन्दिप लामिछाने क्रिकेट खेल्न यूएई जाने भएका छन् । आइसीसी विश्वकप लिग टू अन्तर्गत यूएईमा चलिरहेको त्रिकोणात्मक श्रृखला खेलिरहेका खेलाडी घाइते भएपछि सन्दिपलाई यूएई पठाउने तयारी गरेको नेपाल क्रिकेट संघ क्यानले जनाएको छ ।
क्यानका अनुसार सन्दिप टिमको १६ औं नम्बरमा रहेका छन् । अदालतले विदेश जान अनुमति नदिएकोले उनी रोकिएका थिए । केहि दिनअघि अदालतले विदेश जान अनुमति दिएपछि क्यानले बाँकी सिरिज खेल्न सन्दिपलाई पठाउने तयारी गरेको हो । क्यानका अनुसार सन्दिपको यूएईको भिषा समेत आइसकेको छ ।
