काठमाडौं । नेपाल कम्युनिष्ठ पार्टी एमाले ले सरकार छाडने निर्णय गरेको छ । एमालेको सचिवालय बैठकले सरकारबाट बाहिरिएसँगै समर्थन पनि फिर्ता लिने निर्णय गरेको हो ।
प्रधानमन्त्री पुष्पकमल दाहालले राष्ट्रपतिमा नेपाली काँग्रेसलाई समर्थन गरेसँगै रुष्ट बनेको एमालेले आज सरकारबाट बाहिरिने निर्णय गरेको हो । गत पुष १० गते एमाले लगाएतका पार्टीको सहमतिमा गठबन्धन सरकार विस्तार भएको थियो । एमालेले पुष १० को सहमति कार्यान्वयनको पक्षमा रहने भन्दै राष्ट्रपतिको निर्वाचनसम्म सरकारमा रहने भनिएतापनि राष्ट्रपतिमा समर्थन नपाएपछि सरकार छाड्ने निर्णय गरेको हो ।
सोमबार सचिवालयको बैठक पश्चात राखिएको पत्रकार सम्मेलनमा उपाध्यक्ष विष्णु पौडेलले प्रधानमन्त्री दाहालले एमाले नेता र पार्टीप्रति गरेको व्यवहार र टिप्पणीका कारण सरकारबाट बाहिरिन बाध्य भएको बताए ।
