काठमाडौं । नेशनल हाइड्रोपावर कम्पनीले चैत ३ गते वार्षिक साधारण सभा आयोजना गर्ने जनाएको छ । कम्पनीको फागुन १० गते बसेको संचालक समितिको बैठकले उक्त सभाको मिति तय गरेको हो । डेलिश ओपेरा काठमाडौंमा साभा विहान ११ बजे आयोजना गर्ने जनाएको छ । कम्पनीले लाभांश प्रस्ताव गरेको छैन ।
सभाले सञ्चालक समितिको तर्फबाट अध्यक्षको आर्थिक वर्ष २०७८/०७९ को वार्षिक प्रतिबेदन उपर छलफल गरि पारित गर्ने, लेखापरिक्षकको प्रतिबेदनसहित आर्थिक वर्ष २०७८/०७९ को वासलात, नाफा नोक्सान हिसाब र सोही अवधिको नगद प्रबाह विवरणसँग सम्बन्धित अनुसूचिहरु उपर छलफल गरी पारित गर्ने प्रस्ताव पारित गर्नेछ ।
सभाले आर्थिक वर्ष २०७९/०८० को लागि लेखापरिक्षक नियुक्ती गर्ने तथा निजको पारिश्रमिक निर्धारण गर्ने लगायतका विविध प्रस्ताव पारित गर्ने जनाएको छ ।
कम्पनीले साधारण सभा प्रयोजनको लागि फागुन १९ गते बुक क्लोज गर्ने निर्णय गरेको छ । फागुन १८ गतेसम्म कायम शेयरधनीले मात्र सभामा भाग लिन सक्ने छन् ।
