काठमाडौं । आज शेर्पा जातिले ग्याल्पो ल्होछार अर्थात नयाँ बर्ष मनाउँदै छन् । देश तथा विदेशमा रहेका शेर्पा समुदायले आजको दिनलाई विशेष रुपमा मनाउने गरेका छन् । सरकारले आज देशभर सार्वजनिक विदा दिएको छ ।
प्रत्येक वर्ष फागुन शुक्ल प्रतिपदाका दिन शेर्पा समुदायले ग्याल्पो ल्होछार मनाउँदै आएका छन् । यो वर्ष यस समुदायले २१५० औं ग्याल्पो ल्होछार मनाइरहेका छन् । यो ल्होछार भोटका नवौं राजा उदे गुङ्ग्यालका पालादेखि वसन्त पर्वका नामले मनाउँदै आएको छ ।
