काठमाडौं । भारत सरकारले नेपाललाई २ सय मिर्गाैला डायलाईसिस मेसिन हस्तान्तरण गरेको छ । उक्त मेसिन नेपालका लागि भारतीय राजदूत नविन श्रीवास्तवले स्वास्थ्य तथा जनसंख्यामन्त्री पदम गिरीलाई हस्तान्तरण गरेका हुन् ।
नेपालले एक वर्षअघि भारत सरकारसमक्ष उक्त मेसिन माग गरेको थियो । सोहि अनुरुप सोमबार मन्त्रालयमा आयोजित एक कार्यक्रममा उक्त मेसिन हस्तान्तरण गरेको हो ।
मन्त्री गिरीले मेसिन उपलब्ध गराएकोमा भारत सरकारलाई धन्यवाद ज्ञापन गर्दै नेपाल भारतबीचको सम्बन्ध आर्थिक तथा सामाजिक रुपले घनिष्ट रहेको बताए ।
नेपालका लागि भारतीय राजदूत श्रीवास्तवले नेपाली जनताको स्वास्थ्य अवस्थामा सुधार ल्याउने गरी नेपाल सरकारलाई हस्तान्तरण गरिएको बताए । साथै नेपालको स्वास्थ्य क्षेत्रको पूर्वाधार विकासमा भारतले सक्दो सहयोग गर्ने उनले बताए ।
