काठमाडौं । राजनीतिक उचारचढाव सँगै शेयर बजारमा पनि तिब्र उतारचढाव देखिएको छ । राजनीतिक घटनाक्रम सँगै केहि हदसम्म शेयर बजार पनि सम्हालिन खोजिरहेको छ । अहिलेको राजनीतिक समिकरण बचाउने वा ढलगाउने भन्ने हात नेकपा एमाले र माओवादीको हातमा छ । यदि यि दुई सत्ता साझेदार सम्हालिन सके भने बजारले अर्को नयाँ दिशा तय गर्नेछ । यहि यि दुईको सत्ता साझेदार चाढै ढुङ्गियो भने बजार सुधार हुने सम्भावना धेरै न्युन छ । यसले गर्दा अनुमानका आधारमा लगानीकर्ताले शेयर खरिद बिक्री गरिरहेका छन् ।
सत्ता साझेदार राष्ट्रिय स्वतन्त्र पार्टीका सभापति रवि लामिछानेको अधोगति सँगै उनको पार्टीबाट प्रतिनिधि रहेका मन्त्रीहरुले समेत राजिनामा बुझाएका छन् । तर अहिलेसम्म पनि राष्ट्रिय स्वतन्त्र पार्टीले सरकारलाई दिएको समर्थन भने फिर्ता लिएको छैन ।
राष्ट्रिय स्वतन्त्र पार्टीले समर्थन फिर्ता लिने वित्तीकै सत्ता गठबन्धननै परिवर्तन गर्नु पर्ने अवस्था आउनेछ । यसले गर्दा राष्ट्रपति चुनावसम्ममा सरकारकै आयुलाई लिएर विभिन्न आकलन सुरु भइसकेका छन् । नेकपा ऐमालेले सरकार टिकाउन सक्ला नसक्ला भन्ने बहस सुरु भइसकेको छ ।
यदि नेपाली कांग्रेसले सरकारलाई समर्थन गरेर नेकपाल ऐमालेले सरकार छाड्यो भने अहिलेका अर्थमन्त्री विष्णु प्रसाद पौडेल रहने छैनन् । अर्को तर्फ नेपाली कांग्रेस र नेकपा ऐमाले मिलेर सरकार गठन गरेका खण्डमा भने राजनीतिले अर्को मोड लिनेछ ।
यहि राजनीतिक गतिरोधका कारण केहि समयदेखि शेयर बजार लगातार घटिरहेको छ । अहिलेको सरकार गठन पछि सुधारिएको शेयर बजार सरकार नै धरमर्राउने अवस्था आए पछि पुनः घट्न थालेको हो । यस अवधिमा शेयर कारोबार ५ अर्ब नाघ्यो । तर कारोबार रकम लगातार तल झर्ने क्रममा आज सोमबार एक अर्ब ४७ करोडमा झरेको छ ।
सोमबार नेप्से सूचक ४.५७ अंकले सुधार भएर २१००.६५ अंकमा रोकिएको छ । आज १०४ कम्पनीको शेयर मूल्यमा सुधार आउदा ९५ कम्पनीको शेयर मूल्य भने घटेको छ । आदर्श लघुवित्त वित्तीय संस्थाको सकारात्मक सर्किट लाग्ने क्रमले आज पनि निरन्तरता पाएको छ । संस्थाको शेयर मूल्य २१२ रुपैयाँले बढेर २३३३ रुपैयाँ कायम भएको छ ।
बिकास बैंक, जीवन बीमा कम्पनी, निर्जीवन बीमा कम्पनी, म्युचुअल फण्ड र व्यापरको सूचकमा गिरावट आएको छ भने बाँकी सूचकहरुमा सुधार देखिएको छ ।
