काठमाडौं । नेपाल स्टक एक्सचेञ्जले रिडी हाइड्रोपावर र अरुण भ्याली हाइड्रोपावरको शेयर मुल्य समायोजन गरेको छ । यी कम्पनीले लाभांश तथा साधारण सभा प्रयोजनका लागि बुक क्लोज गर्ने भएसँगै नेप्सेले आजको अन्तिम कारोबार मुल्यको आधारमा शेयर मुल्य समायोजन गरेको हो ।
रिडी हाइड्रोपावरको शेयरमूल्य ५३९ रुपैयाँको आधारमा नेप्सेले ४० प्रतिशत बोनश शेयर वितरण पछिको शेयर मूल्य ३८५ रुपैयाँ कायम गरेको छ ।
त्यस्तै, अरुण भ्याली हाइड्रोपावरको ३३३ रुपैयाँका आधारमा नेप्सेले ८ प्रतिशत बोनश शेयर वितरणपछिको शेयरमूल्य ३०८ रुपैयाँ ३३ पैसा कायम गरेको छ ।
