काठमाडौं । आज शेयर बजार बढेको छ । हिजो पनि बढेको बजार आज पनि दोहोरो अंकले बढेको हो । आज नेप्से परिसूचक १० दशमलव ३७ अंकले बढेर २,१८३ दशमलव ६२ को विन्दुमा कायम भएको छ । आज दिनभरिमा २६१ कम्पनीको ९५ लाख ३२ हजार ८६७ कित्ता शेयर किनबेच हुँदा ३ अर्ब ४६ करोड ६५ लाख रुपैयाँको शेयर कारोबार भएको छ ।
आज सबैभन्दा धेरै नेशनल हाइड्रोपावर कम्पनीको शेयर कारोबार भएको छ । कम्पनीको आज १० करोड १४ लाख रुपैयाँको शेयर कारोबार भएको छ । कम्पनीको शेयर मुल्य २७८ रुपैयाँमा कायम भएको छ । आज हिमाल दोलखा हाइड्रोपावर कम्पनीको ९ करोड २१ लाख रुपैयाँको शेयर कारोबार भएको छ । ग्रिन लाइफ हाइड्रोपावरको ८ करोड ३६ लाख रुपैयाँको शेयर कारोबार भएको छ । अपर तामाकोशीको ६ करोड ९७ लाख रुपैयाँको शेयर कारोबार भएको छ ।