काठमाडौं । रिडी पावर कम्पनीले हकप्रद शेयर निष्काशन गर्ने भएको छ । कम्पनीको २०७९ माघ ४ गते बसेको सञ्चालक समितिको बैठकले उक्त निर्णय गरेको हो ।
रिडी पावर कम्पनी लिमिटेडको लगानी तथा व्यवस्थापनबाट साझा पावर कम्पनीको स्वामित्वमा रहने गरी २० मेगावट क्षमताको तल्लो वलेफी खोला आयोजना निर्माणका लागि कम्पनीले हकप्रद शेयर जारी गर्ने भएको हो । उक्त आयोजनाका लागि पूँजी व्यवस्थापन गर्न रिडी पावर कम्पनीको बोनश शेयर वितरण पश्चात कायम हुने १ करोड ५४ लाख ८९ हजार १२ कित्ता शेयरको ५० प्रतिशत अर्थात १ः०.५० को अनुपातमा १०० रुपैयाँ अंकित दरका ७७ लाख ४४ हजार ५०६ कित्ता हकप्रद शेयर जारी गर्ने कम्पनीले जनाएको छ ।
कम्पनीका अनुसार उक्त हकप्रद शेयर भने विद्युत नियमन आयोगको पूर्व स्वीकृतिका लागि पेश गरि सहमति प्राप्त भएपछि आगामी साधारण सभाबाट पारित गर्नुपर्नेछ । तत्पश्चात नेपाल धितोपत्र बोर्ड समक्ष अन्तिम स्वीकृतिका लागि पेश भई हकप्रद शेयर जारी तथा निष्काशनको स्वीकृती प्रप्त भएपश्चात मात्र हकप्रद शेयर निष्काशन तथा बिक्रि गरिने कम्पनीले जनाएको छ ।
