काठमाडौं । मन्त्रिपरिषद विस्तारले रुमलिएको शेयर बजार आजदेखि पुनः सुधारको लयमा फर्किएको छ । अर्थमन्त्री परिवर्तनदेखि लिएर मन्त्रिपरिषदमा फेरबदल हुने हल्लाले गत साता घटेको नेप्से सूचक यस साताको सुरुवातिदिनमै ३२.७२ अंकको सुधार भएको छ ।
मंगलबार कारोबार सुरु हुने वित्तीकै घट्न खोजे पनि अन्तत बजार सुधार भएको छ । आजदेखि मन्त्रिपरिषद पुर्ण भएको छ । सत्ता साझेदार दलहरुको आपसी सहमतिमा सम्पुर्ण मन्त्रालयहरु आजदेखि पुर्ण भएका छन् । गत साता अर्थमन्त्री नै परिवर्तन हुन सक्नेसम्मका हल्ला चलेका थिए । यहि अवधिमा साढे तीन सय अंकले सुधारिएको शेयर बजारमा १२० अंकको करेक्सन पनि भयो । लगानीकर्ताले नाफा बुक सँगै आजदेखि थप शेयर खरिद गरेका छन् ।
मंगलबार नेप्से सुचक ३२.७२ अंकले सुधार भएर २१८१.११ अंकमा रोकिएको छ । कारोबार रकम तीन अर्ब ७२ करोड नाघेको छ । जम्मा ३० वटा कम्पनीको शेयर मूल्यमा गिरावट आउदा १६९ वटा कम्पनीको शेयर मूल्यमा सुधार आएको छ । सर्वाधिक धेरै बढ्ने क्रममा ७ कम्पनीको शेयर मूल्यमा सकारात्मक सर्किट लागेको छ । हकप्रद शेयरको घोषणा गरेको अपि पावरको सर्वाधिक धेरै २३ करोड २६ लाख रुपैयाँको कारोबार भएको छ ।
बाणिज्य बैंकको सूचक बाहेक सम्पुर्ण सूचक तथा उपसूचकमा सुधार आएको छ । सर्वाधिक धेरै जलविद्युतको सूचक ५.१२ प्रतिशतले बढेको छ ।
