काठमाडौं । आजदेखि सुरु भएको प्रतिनिधिसभाको बैठकले लगानीकर्तालाई थप हौस्याएको छ । निर्वाचनले खासै नहौसिएका लगानीकर्ता नयाँ राजनीतिक समिकरणले थप हौसिएका हुन् । आज बजार ४६ दशमलव ७६ अंकले बढेर २,२११ दशमलव ३८ को विन्दुमा कायम भएको छ । बजार बढेसँगै आज लगानीकर्ताहरु उत्साहित भएका छन् ।
आज ५ अर्ब ३१ करोड ४३ लाख ७ हजार रुपौँको शेयर कारोबार हुँदा १७३ कम्पनीको शेयर मुल्य बढेको छ भने ३१ कम्पनकिो शेयर मुल्य घटेको छ । आज ८ कम्पनीको शेयर मुल्यमा सकारात्मक सर्किट लागेको छ । आज हाइड्रोपावर कम्पनकिो शेयरमा लगानीकर्ता आकर्षित भएको देखिन्छ ।
आज बरुण हाइड्रोपावर, खानीखोला हाइड्रोपावर, छ्याङदी हाइड्रो, जोशी, हिमालयन उर्जा विकास, यूनियन हाइड्रो, सिङगटी हाइड्रोका लगानीकर्ताले १० प्रतिशतका दरले कमाएका छन् ।
