काठमाडौं । पछिल्ला केहि कारोबारलाई हेर्यो भने बाणिज्य बैंकहरुको शेयर मूल्य बढ्न सकेको छैन । तर नेप्से सूचकमा भने उल्लेख्य सुधार भइरहेको छ । आजको शेयर कारोबारमा पनि बाणिज्य बैंकको सूचक १२.२५ अंकले बढेको छ ।
दोस्रो बजारमा सर्वाधिक धेरै हिस्सा रहेको बाणिज्य बैंकको सूचकमा गिरावट आए पनि समग्र नेप्से सूचक भने २०.५५ अंकले सुधार भएको छ । आज नेप्से सूचक सुधार सँगै २१६४.४८ अंकमा रोकिएको छ । सूचक सँगै कारोबार रकम पनि ५ अर्ब ४५ करोड नाघेको छ ।
बाणिज्य बैंकहरु मर्जरमा जादा शेयरधनीहरुमा खासै उल्लास छैन । मर्जर पछि बाणिज्य बैंकको शेयर सप्लाइ थप बढ्ने हुँदा अवका दिनमा बाणिज्य बैंकको शेयरमा खासै बृद्धि नहुने लगानीकर्ताको प्रक्षेपण छ । जसरी थोरै शेयर सप्लाइ भएका कम्पनीमा दुई चार जना मिलेर कर्नरिङ गर्न मिल्छ अव ठुला कम्पनीमा त्यो सम्भव हुँदैन ।
बाणिज्य बैंकको शेयरमा गिरावट आए पछि बीमा कम्पनीको शेयरमा भने उछाल आइरेको छ । आज जीवन बीमाको सूचक ४.४३ प्रतिशतले बढेको छ भने निर्जीवन बीमाको सूचक ३.५३ प्रतिशतले बढेको छ । आज १३३ वटा कम्पनीको शेयर मूल्यमा सुधार आउदा ३१ वटाको शेयर मूल्यमा गिरावट आएको छ । प्रधानन्त्री पुष्पकमल दाहाल प्रचण्डको सरकारले यहि पुस २६ गते विस्वासको मत दिदै छ । नेपाली काङ्ग्रेसले ठुलो चलखेल गरेन भने प्रचण्डलाई विस्वासको मत लिन गाह्रो पर्ने छैन । अहिलेका अर्थमन्त्री विष्णु प्रसाद पौडेलको इन्ट्रि सँगै सुधारिएको शेयर बजार लगातार बढिरहेको छ ।
