काठमाडौं । आज नेप्से परिसूचक बढेको छ । कारोबारको शुरुवाति अवस्थामा घटेको बजार बन्द हुँदा २० दशमलव ५५ अंकले बढेर २,१६४ दशमलव ४८ को विन्दुमा कायम भएको छ । आज दिनभरिमा २५९ कम्पनीको १ करोड ४१ लाख ९८८ कित्ता शेयर किनबेच हुँदा ५ अर्ब ४५ करोड ९९ लाख २५ हजार रुपैयाँको शेयर कारोबार भएको छ ।
आज ५ अर्बभन्दामाथिको शेयर कारोबार हुँदा सबैभन्दा धेरै हिमालयन डिष्टिलरीको शेयर कारोबार भएको छ । कम्पनीको २१ करोड २९ लाख रुपैयाँको शेयर कारोबार भएको छ । शिवम् सिमेन्टको १९ करोड ६८ लाख रुपैयाँको शेयर कारोबार भएको छ । रिडी पावरको १५ करोड ७१ लाख रुपैयाँको शेयर कारोबार भएको छ ।
