काठमाडौं । आज साताको पहिलो दिन सुनको मुल्य बढेको छ । आज आइतबार सुनको भाउ १ हजार रुपैयाँ बढेको हो । गत शुक्रबार तोलामा १ लाख २ हजार ३ सय रुपैयाँमा कारोबार भएको छापावाला सुन आज तोलामा १ हजारले बढेर १ लाख ३ हजार ३ सय रुपैयाँमा कारोबार भइरहेको नेपाल सुन चाँदी व्यसायी महासंघले जनाएको छ ।
त्यस्तै, आज तेजाबी सुन पनि तोलामा १ हजारले बढेर प्रति तोला १ लाख २ हजार ८ सय रुपैयाँमा कारोबार भइरहेको छ। आज चाँदीको भाउ पनि बढेको छ। तोलामा १५ रुपैयाँले बढेर प्रतितोला १ हजार ३ सय ८० रुपैयाँमा कारोबार भइरहेको महासंघले जनाएको छ ।
